Dati nagagandahan na ako dito. As in proud na ako. Ilang kaibigan ko rin ang nakabasa ng komiks na ito. Dati pag nagdrowing ako e walang lapis-lapis derecho bolpen. At walang plot sige lang ng sige tuloy tuloy kumbaga. Takot nga akong magdrowing nuon ng mga kamay (mahirap kaya yun). Tapos nakatapos ako ng isang notebook ang sumunod ay entitled “Pulsar II – The Voyage(1998)” eto yung sequel nung unang book nasa Atlantis na ang setting ng storya nito. Me pangatlong notebook “Pulsar III – The Crystal “ – eto yung wakes nung trilogy. Kaya lang di ko mahanap yung notebook sa ka naisip ko uulitin ko na lang uli ang komiks na ito mula sa umpisa.

Pulsar (Rebirth) 2000  – kung akala nyo e isa itong bagong kabanata nuon well hinde. Inayos ko lang yung story kasi college na ako nung ginawa ko ito kaya medyo maayos na ang layout at proportions ko ng konti. At surprise!!! May kamay na sila at full body shots with background na naka perspective. Sa kasamaang palad ay hindi ko ito tinuloy dahil napagdesisyunan kong ulitin ito uli sa sketch pad naman. Sa half oslo paper ko lang kasi ito dinrowing. Medyo mas malinis na ang storya at pilit kong inilalayo na maging katulad ito ng sailormoon or dragonball z (eto kasi yung naka influence sa komiks ko before e).

Matagal din bago ako nagdrowing uli ng komiks. Ciempre araw araw ba naming drowing ang ginagawa ko e (Fine arts student kasi ako). One day, may pumasok sa isip ko na ideya. “Why not make a story na puro lalaki naman ang bida?”. Mahina kasi akong magdrowing ng male figure parang itinuring ko nalang na praktis ito. Ito ang simula ng “SilverBlade”.

Silverblade (May 2002) – Ang setting nito ay Arcasia, isang lugar na kung saan mayroong mga kabalyero, palasyo, mahika, halimaw at ibang iba ito sa Atlantis*. May dalawang legendary sword sa lugar na iyon. Ang Silverblade na may kapangyarihang kumukuha ng lakas sa Silverblade phoenix(tagapangalaga ng buhay) at ang Dark Slash na kumukuha ng lakas sa Dark stone Dragon( ang elemento ng pagkawasak). Si Kida na mula sa angkan ng mga magigiting na mandirigma ang nakatakdang magmay-ari ng Silverblade. Kasama nya sina: Ishima – ang mandirigmang mula sa Hidden Reefs mula sa lahi ng water tribe: Ahmed – mula sa Mauve city, dating tambay at kinatatakutang lider ng gang sa siyudad.: at si Shaine – mula sa Enchanted plateau na kung saan dito nakatira ang pinakamagagaling na wizards at sorcerers. Dun nagsimula ang istorya…

Silverblade (Dec 2002) – ang pangalawang sketchpad ay tungkol sa mga nakaraan ng ating bida. Christmas vacation ito kaya ko naasikaso. Tulad nung unang sketchpad na ginawa ko naman nung isang buwang bakasyon ng May. Medyo seryoso na ang istorya dito. Pinapaliwanag kung ano ang dahilan bakit ganito ang ugali ni ganito at bakit masama si ganun.

Silverblade (April 2003) – ang pangatlong sketchpad ng silverblade series. Dito mas lumilinaw na ang istorya at mas tumitindi ang aksyon. Last year ko pa ito nasimulan at di ko pa naitutuloy dahil sa me trabaho na ako. How I hope I can finish yung mga komiks na sinisimulan ko.

Marami pang ibang mga komiks na di ko na isinama dito. Seasons – tungkol sa isang babaeng nakakapaglakbay sa iba’t ibang dimensyon na kung saan ay mayroong nagpapatibok sa puso nya. Love story/adventure ito kaya di ko matapos (Hindi kasi ako mahilig sa love story). Mr. C – ito yung tungkol sa isang artist na nagngangalang Ian na nakatagpo ng isang genie na nagbigay sa kanya ng kakaibang powers. Kaya nga lang pag nagkakaroon sya ng powers e nagiging si Mr. C si Ian. Si Mr. C ay isang tila bolang hayop na may buntot na tulad sa isang lobo at dilaw na balahibo.

Hanggang dito nalang ang post na ito. Medyo mahaba pero sana nag enjoy kayo sa pagtingin at pagbasa. If you are interested to see the comics in person or just want to see this hottie (ako yun) ay try to contact me. I’ll be glad to share my world with you guys. Di ko nilagay yung story kasi mahirap na hindi copyrighted ang mga ito. Nawa’y walang gumamit ng mga pangalan at istoryang nabanggit sa taas dahil pag nangyari yun… ( you don’t wanna know…hehehe). Sa future pag nabigyan ako ng break malay natin mapublish ang isa sa mga kwento ko. God bless you all guys! Ian(“,) here!